Aallarfissaq minutsit 30-it sioqqullugit ilaasussat angallammukareersimaqquneqarput, inortuisoqartillugu angallat utaqqineq ajorpoq.
Angallatit Maniitsumi MTB-p nammineq puttasuiniit aallartarput, Nuummi ”Tidevandstrappen”-imiit aallartarlutik.
Nassatat / oqimaannerusumillu nassatat
Ilaasoq ataaseq annerpaamik 20 kg- nik nassaqqusaavoq.
20 kg-lu sinnerneqarpat akileeqqittoqassaaq akit uku aallaavigalugit:
| Oqimaassuseq | 1 kg | 2-5 kg | 6-10 kg | 11-20 kg | 21-30 kg | 31-40 kg | |
| Akia | 50 DKK | 75 DKK | 150 DKK | 200 DKK | 300 DKK | 400 DKK |
Cyklel-it barnevognillu nassarneri kr. 250,- qarput, angallatip naalagaata inissakilliortoqartillugu cykelit nassarsinnaaneri itigartitsissutigisinnaavaa.
Uumasunik nassarsinnaaneq: Ajoraluartumik angallammi uumasuutinik suugaluanik nassarsinnaaneq akuerisaanngilaq !
Angalanissamik taamaatitsinerit:
Sila ajortillugu angallatip naalagaa kisimi aaliangiisussaavoq. Silamik allamilluunniit peqquteqartumik angallatip naalagaa angalanissamik taamaatitsisimappat siumut akiutaasimasut tamakkiisumik utertinneqarsinnaapput.
Ilaasussat angalanissaminnik allannguippata imaluunniit taamaatitsippata maleruagassat uku atuutsinneqassapput:
- Aallarnissaq ullut 60 it sioqqullugit angalanissamik taamaatitsinermi siumut akiliutaasimasut tamakkiisumik utertinneqarsinnaapput.
- Aallarnissaq ullut 14 it sioqqullugit angalanissamik taamaatitsinermi siumut akiliutaasimasut 87,5 % -ii utertinneqarsinnaapput.
- Aallarnissaq 48 tiimit sioqqullugit angalanissamik taamaatitsinermi siumut akiliutaasimasut 50 % -ii utertinneqarsinnaapput.
- Aallarnissaq 48 tiimit ataallugu angalanissamik taamaatitsinermi siumut akili utaasimasut tamakkiisumik utertinneqarsinnaanngillat.
- Takkutinngitsoornermi, angallatip aallalernerani takkutinngitsooraanni inortuigaanni akiliutaasimasut utertinneqarsinnaanngillat.
Akisussaassuseq:
Kinguaattoornerni arlaannilluunniit peqquteqartumik angalanissamik taamaatitsinerni Maniitsoq Tour Boat Aps akisussaatinneqarsinnaanngilaq.